ராஜீவ் காந்தி கொலை வழக்கில் கைது செய்யப்பட்டு புழல் மத்திய சிறையில் அடைக்கப்பட்டு இருந்த ராபர்ட் பயஸ் 30 நாட்கள் பரோலில் இன்று வெளியே வந்தார்
ராஜீவ் காந்தி கொலை வழக்கில் கைது செய்யப்பட்டு புழல் மத்திய சிறையில் அடைக்கப்பட்டு இருந்த ராபர்ட் பயஸ் 30 நாட்கள் பரோலில் இன்று வெளியே வந்தார்.
சிறையில் இருந்து அழைத்து வரப்படும் பயஸ்
ராஜீவ் காந்தி கொலை வழக்கில் கைது செய்யப்பட்டு புழல் மத்திய சிறையில் அடைக்கப்பட்டு இருக்கும் ராபர்ட் பயஸ் தனது மகனின் திருமணத்திற்கு பரோல் அளிக்க வேண்டும் என்று சிறைத் துறைக்கு மனு அளித்து இருந்தார்.
நீதிமன்றம் அனுமதி
ஆனால், இவரது மனுவை சிறைத் துறை பரிசீலிக்கவில்லை. இந்த நிலையில், நீதிமன்றத்தில் பயஸ் மனு தாக்கல் செய்து இருந்தார். இதையடுத்து, பயஸ்க்கு பரோல் வழங்குவது குறித்து சிறைத் துறையின் ஆலோசனையைப் பெற்றது நீதிமன்றம். சிறைத் துறையும் அவருக்கு பரோல் வழங்கலாம் என்று பரிந்துரைத்து இருந்தது.
எங்கே தங்குவார் பயஸ்
இதையடுத்து பயஸ்க்கு கடந்த 21ஆம் தேதி நீதிமன்றம் 30 நாட்கள் பரோல் வழங்கி உத்தரவு பிறப்பித்து இருந்தது. இந்த நிலையில் இன்று பயஸ் வெளியே வந்தார். மகனது திருமண வேலைகளை தனது வழக்கறிஞர் சந்திரசேகர் வீட்டில் இருந்து கவனிப்பார் என்று கூறப்படுகிறது. பரோலில் இருக்கும்போது யாரையும் சந்திக்கக் கூடாது என்று நீதிமன்றம் பயஸ்க்கு அறிவுறுத்தியுள்ளது.
