தமிழகத்தில் வெங்காய விலை உயர்வை கட்டுப்படுத்த கூட்டுறவுத் துறை அமைச்சர் செல்லூர் ராஜு அறிவிப்பை வெளியிட்டுள்ளார்.
தமிழகத்தில் வெங்காய விலையானது கடும் உயர்வை எட்டியுள்ளது. இதனால் வரம்பு மீறி வெங்காயத்தை கொள்முதல் செய்து விற்பனை செய்யப்படுவதை தடுக்க கூட்டுறவுத் துறை அமைச்சர் செல்லூர் ராஜு விற்பனையாளர்களை கடுமையாக எச்சரித்துள்ளார்.
தமிழகத்திற்கு ஆந்திரா, கர்நாடகா, மகாராஷ்டிரா மாநிலங்களிலிருந்து வெங்காயம் இறக்குமதி செய்யப்பட்டு வருகிறது. கன மழை காரணமாக அங்கு வெங்காய உற்பத்தி பாதிப்படைந்து பெரும் விலையேற்றத்தை கண்டுள்ளது.
கடந்த வாரம் கிலோ 90 ரூபாய்க்கு விற்பனை செய்யப்பட்ட வெங்காயம் ரூ.130 க்கு விற்பனை செய்யப்படுகிறது. அதேபோல கிலோ 120 ரூபாய்க்கு விற்கப்பட்ட சின்ன வெங்காயம் 50 ரூபாய் உயர்ந்து 170 க்கு விற்பனையாகிறது.
அதேபோல அவரைக்காய் 35 ரூபாய் முதல் 40 ரூபாய்க்கும், தக்காளி 20 ரூபாய் முதல் 25 ரூபாய்க்கும், கத்திரிக்காய் 25 ரூபாய் முதல் 30 ரூபாய்க்கும் வீரப்பனை செய்யப்படுகிறது.
காய்கறி வாங்க லோன் வாங்கணும் போல: விலையேற்றத்தால் மக்கள் அவதி!
வெங்காயத்தின் விலை உயர்வை கட்டுப்படுத்த அமைச்சர் செல்லூர் ராஜு மொத்த வியாபாரிகளுக்கு எச்சரிக்கை விடுத்துள்ளார். அவர் கூறியதாவது '' தமிழகத்தில் உள்ள மொத்த விற்பனைக் கடைகளில் 50 டன்னுக்கும் அதிகமாக வெங்காயம் வைத்திருக்க கூடாது என உத்தரவு பிறப்பிக்கப்பட்டுள்ளது.
வெங்காயப் பதுக்கலில் ஈடுபடுபவர்கள் யாராக இருந்தாலும் அவர்கள் சட்டத்தின் பிடியிலிருந்து தப்ப முடியாது என எச்சரித்துள்ளார். இதை அவர் தனது டிவிட்டர் பக்கத்தில் தெரியப்படுத்தியுள்ளார்.
